80 Joer „Battle of the Bulge“

Mir erënneren eis un déi schrecklech Zäit vun der Nazi-Occupatioun an un all déi Leit déi deemools hiert Liewe fir eis Fräiheet hu misse loossen.

D’Gemeng Rouspert-Mompech an d’Stad Eechternoach invitéieren Iech ganz häerzlech op d’Commémoratioun zur Ardennenoffensiv a Befreiung virun 80 Joer.

Programm:

Freides, den 13. Dezember 2024
– 15:00 Auer: Aweiung vun engem Gedenksteen an engem Panneau zu Lilien, dem südlechste Punkt vun der Ardennenoffensiv

Samschdes, de 14. Dezember 2024
– „Ivy Stands Firm“: Reenactment zu Uesweller duerch d’„2nd Armored in Europe – Living History” mat Statiounen an der Uertschaft an an der Emgéigend vum Duerf
– Vun 13:00 Auer u kënnen déi verschidde Stellungen ausserhalb vum Duerf mat enger Navette entdeckt ginn. Den Départ ass zu Uesweller op der Duerfplaz. De läschten Départ ass um 15:30 Auer
– Vun 13:00 bis 18:00 Auer Ausstellung (iwwer d’Rundstedtoffensiv an iwwer den 2. Weltkrich) am Centre Culturel „a Lannen“ zu Uesweller

Sonndes, de 15. Dezember 2024
– 10:00 Auer: Gedenkminutt mat de Reserveoffizéier beim Monument am ënneschten Duerf zu Uesweller
– 10:30 Auer: Pontifikalmass mam Kardinol Jean-Claude Hollerich, encadréiert vun der Chorale Rouspert/Uesweller
– 11:30 Auer: Nidderleeë vun enger Gerbe bäi der Erënnerungsplack bei der Schoul
– Vun 13:00 bis 17:30 Auer: Reenactment-Statiounen zu Uesweller an Emgéigend an Ausstellung am Centre Culturel „a Lannen“
– Vun 13:00 Auer u fiert eng Navette op déi verschidde Stellungen ausserhalb vum Duerf. Den Départ ass zu Uesweller op der Duerfplaz. De läschten Départ ass um 15:30 Auer
– Um 18:00 Auer: Night Vigil a Fakelzuch vun der Duerfplaz a Richtung „Schlammfuer” an Ufänke vun engem grousse Feier

Uschléissend: Virtrag vum Yves Rasqui iwwer d’Affer vu Minnen a Krichsmunitioun am Centre Culturel „a Lannen“.