Léif Matbiergerinnen a Matbierger aus der Gemeng Rouspert-Mompech,
De Nationalfeierdag 2021 kann duerch déi aktuell sanitär Situatioun ëmmer nach net esou gefeiert ginn, wéi mir et gewinnt waren.
De Schäffen- a Gemengerot vun der Gemeng Rouspert-Mompech, zesumme mat de Museken, de Sauerquakerten an de lokalen Pompjeeën aus der Gemeng Rouspert-Mompech, bréngen Iech dofir och dës Joer nees de Nationalfeierdag an engem klenge Film heem.
Kucke kënnt dir dëse Film um Virowend vu Nationalfeierdag, den 22. Juni 2021 ab 18:00 Auer
- op Facebook an um Internetsite vun der Gemeng rosportmompach.lu
- op Apart TV (Apart TV empfängt een um Kanal 82 vu Post TV an am ganze Réseau vun der Eltrona).
De Programm:
- D’Uesweller Musik spillt de „Marche Jubilaire“
- D’Sauerquakerten sange „Belsch Plaasch“ a „Flummilied“
- Usprooch vum Buergermeeschter
- D’Hierber Musek spillt de „Wilhelmus“
- „Ons Heemecht“ gëtt gespillt vun der Burer Musik
- Seege vum Paschtouer Luc Schreiner a Spille vun der „Sonnerie Nationale“
- Néierleeën vun enger Gerbe beim Monument aux morts
- D’Rousperter Musek spillt de „Marche Henri Tudor“
Mir wënschen Iech all e schéinen Nationalfeierdag.
De Schäfferot
